Три велешки компании се меѓу 100 најголеми по приход за 2021-та година, според рангирањето кое го направи порталот Пари. На листата се најдоа Маркарт, Жито и Брако.
Содржината продолжува под рекламата
Според податоците за приходи, најголем скок има Брако, кој во 2021 година остварил приход од 34,713,155 евра и во однос на претходната година забележал пораст за 45%, па од 120 место во 2020 година, се најде на 90 место во 2021.
Содржината продолжува под рекламата
Ланецот маркети Жито, кој е на 55 место на листата, исто така забележал пораст кој изнесува 2%, кога во 2021 година остварил приход од 58,414,494 евра, но на листата има пад за осум позиции, кога во 2020 година беше на 47 место.
На оваа листа, најдобро котира велешката компанија Маркарт, која се наоѓа на 23 место и која во 2021 година се искачила едно место погоре во однос на годината претходно. Таа остварила приходи од 96,115,200 евра, што изнесува раст од 27%.
Најдобро рангирана компанија според оваа листа е Џонсон Мети со приходи од 2,079,781,012 евра. Целата анализа на порталот Пари можете да ја прочитате тука.
Можеби ќе ве интересира:
