Отворање на Европска куќа во Велес

Шефот на делегацијата на Европската Унија, амбасадорот Дејвид Гир и градоначалникот на Велес Марко Колев денеска официјално ќе ја отворат новата Европска куќа во Велес.   

Европска куќа Велес, како што информираат од Делегацијата на ЕУ, е петтиот центар во рамки на мрежата, наменет како простор за размена на идеи, иницијативи, активизам и култура на младите од Велес и Повардарието.

Програмата на отворањето опфаќа активности во текот на целиот ден, почнувајќи од дебати и вмрежување до изложби и диџеј сетови, а вечерта ќе се одржи концерт на отворено во Младинскиот парк.

Европска куќа Велес ќе се приклучи на мрежата на канцеларии што Делегацијата на Европската Унија ги отвора низ целата земја од 2019 година. Во моментов работат четири канцеларии и тоа во Скопје, Крива Паланка, Струмица и во Битола.

Можеби ќе ве интересира: