![Policija oznaka](https://batali.net/wp-content/uploads/policija-3-640x382-1-696x415-1.jpg)
Полициски службеници од СВР Велес вчера во попладневните часови го лишиле од слобода 25-годишниот С.К. од село Виничани, општина Градско. Тој во селото со патничко возило „фиат панда“ со велешки регистарски ознаки удрил во 43-годишниот А.Ц. од истото село, кој претходно имал вербална расправија со таткото на приведениот, информира Ристе Самарџиев, портпарол на СВР Велес.
Содржината продолжува под рекламата
А.Ц. од здобиените повреди починал, а смрт констатирал лекар од Општата болница Велес, додека С.К. избегал од местото на настанот, но набрзо бил пронајден и приведен. Настанот се случил вчера меѓу 15 и 16 часот. Полицијата кратко време по настанот го привела 25-годишниот С.К.
Содржината продолжува под рекламата
По целосно документирање на случајот против С.К. ќе следи соодветна пријава, најави Самарџиев.
Можеби ќе ве интересира: