Велешанец заработи кривична за „дилање“ дрога

26-годишниот велешанец, во чиј дом полицијата пред една недела пронајде дрога, заработи кривична пријава. Велешанецот со иницијали Т.Ј. беше фатен минатата среда, кога полицијата околу 23 часот му влезе дома и при претрес му ја откри дрогата.

„СВР Велес поднесе кривична пријава против Т.Ј.(26) од Велес, поради постоење основи на сомнение за сторено кривично дело ,,неовластено производство и пуштање во промет на наркотични дроги, психотропни супстанции и прекурсори”. На 07.10.2020, полициски службеници извршиле претрес во домот на пријавениот во Велес, при што пронашле и одзеле марихуана, хашиш и пари“, соопшти СВР Велес.

Осомничениот T.J. се наоѓа во притвор, кој му го определи Основниот суд во Велес, откако јавниот обвинител проценил дека тој може да побегне, да влијае врз сведоци или да го повтори кривичното дело.

Можеби ќе ве интересира: