Приведени двајца прилепчани при кражба во Градско

Двајца прилепчани биле приведени при кражба во викендица во близина на локалитетот Стоби, информираат денеска од Секторот за внатрешни работи Велес.

Текстот продолжува под рекламата

„На 24.06.2024 во 17.50 часот во Градско, во близина на локалитетот Стоби, полициски службеници од СВР Велес ги лишиле од слобода Н.А.(32) и Е.С.(40), двајцата од Прилеп, кои одзеле предмети од викендица во близина на локалитетот Стоби, сопственост на С.С.(61) од Скопје“, соопштија од СВР Велес.

Текстот продолжува под рекламата

Предметите биле пронајдени и вратени на сопственикот, а при извршениот преглед кај Е.С. биле пронајдени и одземени и фалсификувани банкноти. Н.А. и Е.С. се задржани во полициска станица, известен е јавен обвинител и по документирање на настанот против нив ќе биде поднесена соодветна пријава.

Можеби ќе ве интересира: