Возило на БРАКО стана единствен македонски производ сертифициран за меѓународен квалитет во лабараторијата на TUV во Германија

Возилото за урбана хигиена на БРАКО, моделот 636, е сертифицирано за меѓународен квалитет од страна на германскиот институт TUV, ,,TÜV SÜD INDUSTRIE SERVICE GMBH” од Минхен.

Содржината продолжува под рекламата

Возилото 636 на БРАКО е единствен производ од Македонија кој е сертифициран директно од TUV Германија и чија инспекција и тестирања се извршени во лабораторијата во Германија.

Содржината продолжува под рекламата

Ова е прв сертификат од TUV добиен откако БРАКО во 2019 година ја купи фабриката за возила Грин Машинс, која се наоѓаше во Шкотска и го префрли производството на возилата во Македонија.

Mоделот 636, кој е целосно развиен од страна на македонските инженери и произведен во фабриката во Велес, ќе биде носител на ознаката ,,CE” на производот (Conformité Européenne, European Conformity), која значи дека производот ги исполнува сите основни безбедносни и здравствени барања во однос на упатствата на ЕУ и хармонизираните стандарди.

TUV e меѓународно сертификационо тело кое ги сертифицира најголемите светски брендови на возила.

Сите возила на БРАКО од претходните линии имаат сертификати за квалитет со кои се продаваат на светскиот пазар.

Можеби ќе ве интересира: